VII SESTAFERIA EDUCATIVA: Alfabetizaciones múltiples dende la Llingua asturiana

Esta entrada ye mui especial. 

Nella ufiértense los trabayos apurríos pola xente que participó nel nuesu taller na VII Sestaferia Educativa que se cellebró n'Uviéu'l pasáu 26 d'abril. 

La esperiencia foi mui arriquecedora pa nós al ver el sentir de los destinatarios de les nueses xeres.   Anque punxéremos en práctica la mayor parte de les actividaes feches estos años, nun dexa de ser bien prestoso manexar otros puntos de vista, otros planteamientos, otres opiniones…

Les persones integrantes d'esti grupu de trabayu queremos amosar un agradecimientu fonderu p'hacia los compañeros y compañeres que tuvieron ellí. Coles sos collaboraciones a mou d'actividaes, qu'espublizamos equí col nome de quien les desarrollaron, conseguimos algamar ún de los finxos más importantes colos qu'entamamos esta xera va tres años: TRABAYAR N'ANDECHA.  

Nun podemos dexar de mentar tamién a les persones que nun quixeron apurrir el so nome, dando como razón el llabor fecho por nós. Ye una amuesa d'agradecimientu que queremos devolver dende equí.  

Equí los agradecimientos a:  

Naomi Suárez González

María Jesús Sánchez Niévares

Sonia María Vigil Hevia

María del Mar Suárez González

María Felisa Rubio Fernández

Aurora Vázquez Canga

María Jesús Rodríguez Vázquez

Mª Carmen Prada Osorio

Mónica Martínez Zabala

Julián López Valdés

Elena Mateos Rodríguez

Pablo Álvarez Álvarez

María Cueto Fernández

Raquel Camiña Vallina

José María Álvarez Llames

Pal testu: TEST CONDUCIR;

Mª Paz García Álvarez

María del Carmen Bueno Gayo

Carmen Álvarez Garzón

Mª Loreto Blanco Fernández

Jonathan Angulo Villanueva

Ángeles García Díaz

Cristina González Vázquez

Mª Rosario López Chacón

Belén  González González

Eva Menéndez Giraldo

Sara Andrea Gavilanes Cueto

Natalia  Ada Neyra Mourenza

Rosa María Rodríguez Fernández

Lucía Suárez Suárez

María Piedad Prieto González

Milio Rodríguez López 

Pal testu: DECÁLOGU PA FACER DE LA SO RECIELLA UN DELINCUENTE (Emilio Calatayud) y,
 
Marisol Álvarez

Santiago Cubillas Alonso

Mónica Patricia Fernández Fernández

Sandra Fernández Gavela

Javier Bengoechea Álvarez

Mª Carmen Fernández García

Lucía Álvarez López

María Díaz Suárez

Noelia Canseco Marcos

María Cruz Díaz Balsera

Clara María Fernández González

Laura Montes Camino

Marta Martínez Fernández

Alba González Alonso

María del Carmen Pérez Piñeiro

Germán Fierro Martínez

Visitación Fernández Vega

Margarita Galán Redondo

Teresa Martín

Raquel Rivera Bécares

María Concepción Yáñez Paíno

Ana Luisa Vallines Agüera

Laura Prieto Rodríguez

José Antonio Seiz Santos

Noelia Queipo González

Rocío Rosal Rodríguez

María Josefa Sánchez Fernández

Inaciu Galán y González

José Antonio Pena Rodríguez

Gabriel Martín Fernández

Itziar Montes Rubio

Modesta Suárez Cuetos

María Ana Suárez Sánchez

Estela Suárez Barranco

Felicidad Suárez Cuetos

Pal testu: TRES RUTES TURÍSTIQUES EN TRESPORTE PÚBLICU

Y equí los testos trabayaos nos talleres:

* La educación vial ye un tema tresversal que'l nuesu alumnáu tien que conocer mui bien, por eso apurrimos un test como los que se faen pa deprender a conducir acompañáu por delles xeres pa trabayar alredor d'él. Podéis velu calcando equí.

* Decálogu pa facer de la reciella un delincuente ye un testu perconocíu escritu pol xuez Emilio Calatayud pa concenciar a los padres sobre la educación de los sos fíos/es. Podéis velu, con xeres pa trabayalu, calcando equí.

* Tres rutes turístiques en tresporte públicu ye un testu periodísticu sobre cómo conocer tres ciudaes europees gastando pocu dineru. Podéis velu, con xeres pa trabayalu, calcando equí.

¿Quién puede dicir que non a un gatu con sombreru?

N'Asturies esisten delles organizaciones que defenden los derechos de los animales. Dalgunes tienen perros y gatos n'adopción.

Nos Estaos Uníos la fotógrafa Shaina Fishman ta dedicándose a sacar semeyes a gatos con sombreru pa facilitar la so adopción.

A partir d'un testu periodísticu sobre estos gatos, ufiertámosvos una riestra de xeres.

Dicires

Dicires ye una serie de la TPA qu'enseñaba delles palabres del Diccionariu de la Llingua Asturiana d'una manera distinta a la que pudiéremos pensar. Ufiertámosvos nel pdf dos vídeos, dos palabres y delles xeres pa trabayales.

Pa les xeres l'alumnáu va tener qu'usar la páxina del DALLA y de la RTPA.

Alma

Alma ye un curtiometraxe d'animación de dalgo más de 5' dirixíu  por Rodrigo Blaas. Cuenta la hestoria d'Alma, una neña, que camina peles cais d'un pueblín enllenu de nieve. Pues velu calcando na imaxe d'abaxo.

Yacimientos arqueolóxicos n'Asturies

Asturies tien munchos yacimientos arqueolóxicos (del Paleolíticu, Neolíticu, Edá del Fierro) espardíos pela xeografía. Sobre ellos apurrimos un testu con delles actividaes venceyaes que pues descargar, en formatu pdf, nel enllaz de más abaxo.

El xenoma del xibón, una nueva ferramienta pa entender el cáncer

El xibón,un pequeñu simiu que vive nes viesques tropicales del sureste asiáticu , convirtióse na última ferramienta qu’ayudará a los científicos a entender meyor los mecanismos de malures como’l cáncer. Asina lo conseña un testu periodísticu que pues descargar más abaxo, en formatu pdf, acompañáu de delles actividaes rellacionaes.

El trabayu de les abeyes

Hebo un tiempu en que’l miel yera l’únicu edulcorante qu’usaba l’home (que tamién-y atribuyía calter melicinal); y la cera emplegábase pa la metalurxa, la melicina, l’allumáu… Sobre la importancia d'estos animales na casería tradicional asturiana apurrimos, más abaxo, un testu con delles actividaes venceyaes en formatu pdf.

Samaín

El calendariu de los celtes nun yera’l mesmu que tenemos agora. Nél celebrábase l'apuerte del iviernu, el Samaín.

Sobre él apurrimos, en formatu pdf, un testu con delles actividaes venceyaes.

Recetes prestoses

Recetes prestoses ye un llibru de María Xosé Rodríguez que presenta delles recetes que puen ser mui fáciles de facer.

Más abaxo pues descargar, en formatu pdf, un testu con delles recetes y actividaes pa trabayar sobre elles.

Praga. De la plaza a la ponte

Praga ye una de les ciudaes más visitaes de Centroeuropa. Apurrímosvos un testu con actividaes, en formatu pdf, que ye un percorríu pela ciudá dende la Plaza de la Ciudá Vieya hasta la Ponte de Carlos.

Piquinu

Piquinu ye un curtiu documental que tien de protagonista a un mozu del conceyu de Llena; acompáñénlu los sos perros per ún de los meyores paisaxes d'Asturies. Pues ver el curtiu calcando equí.

Apurrimos tamién, en formatu pdf, delles actividaes pa que l'alumnáu trabaye depués de ver el curtiu.

Pallabreru del fútbol

TERMAST ye’l centru encargáu de la coordinación xeneral de les xeres terminolóxiques venceyaes a la llingua asturiana. Ente los vocabularios que tien asoleyaos ta'l dedicáu al deporte rei (pues dir calcando equí. Dende él pues dir al restu de vocabularios del centru terminolóxicu) que ye la base pa les actividaes qu'apaecen nel pdf que pues descargar.

L'orixe del día de San Valentín

El día de San Valentín que se celebra'l 14 de febreru ta venceyáu con una lleenda mui antigua. Sobre esti día apurrimos, en formatu pdf, un testu y delles actividaes venceyaes con él.

Llaboral Ciudá de la Cultura

Son munches les xeres que se puen facer nuna auténtica ciudá de la cultura, y siguen siendo munches les que na Llaboral hai empobinaes a los/es escolinos/es. Nel enllaz de más abaxo hai (en formatu pdf) un testu informativu y delles actividaes venceyaes con él.

Llección de gramática

Berta Piñán ye l'autora del poemariu Un mes.

D'él escoyimos pa trabayar col alumnáu, Llección de gramática. El resultáu ta nel pdf que pues descargar más abaxo.

¿Fame?

Una imaxe val más que munches palabres. Por eso apurrímosvos delles actividaes (pa descargar en formatu pdf) pa trabayar la imaxe publicitaría que se ve equí abaxo.

Esti llunes ye'l día más triste del añu

¿Esiste'l día más triste d'un añu cualquiera?

Un investigador de la Universidá de Cardiff desendolcó una fórmula matemática p'averigualo. Nel enllaz qu'apaez darréu apaez, en formatu pdf, un testu periodísticu qué desplica cuándo y por qué ye esi día, y delles actividaes pa trabayar testos d'esta mena.

Dormi yá

Dormi yá ye un cantar n'asturianu del grupu Stormy Mondays, un grupu famosu por unviar un cantar al espaciu. 

Mirái'l videu (pues dir a él calcando equí), escuchái'l cantar y facéi les actividaes que s'ufierten descargándoles en formatu pdf.

Día escolar de la Non-Violencia y la Paz

Cada 30 de xineru celébrase'l Día Mundial de la Non Violencia y la Paz. Celébrase con motivu del aniversariu de la muerte de Mahatma Gandhi, l’home del “alma grande”, que cola so llucha pacífica y les sos aiciones de non-violencia, consiguió que la independencia de la India, el so país de nacencia, ficiérase realidá. 

Ufiertámosvos más abaxo un enllaz (onde descargar un pdf) con testu y actividaes pa trabayar l'importantísimu tema de la Paz.

Doris Salcedo: cantu contra'l racismu

¿Pue ser arte una resquiebra?

En 2007 el suelu de la llamada Sala de Turbines de la Tate Modern de Londres frañólu l'artista Doris Salcedo, xebrólu en dos por una resquiebra de 167 metros de llargu. 

Nel enllaz qu'apaez más abaxo pues atopar, en formatu pdf, una entrevista cola autora de la resquiebra y delles actividaes pa trabayar la entrevista, l'arte y muncho más.