EL PROYECTU

El Grupu de Trabayu Intercentros del CPR Xixón-Oriente que lleva alantre esti sitiu quier amosar la so manera de trabayar (que nun ye nin meyor nin peor que les otres, namás ye la nuestra) la llectura, la comprensión, la creación, les competencies clave, la lliteratura...


Dende'l cursu 2014-2015 dedicámonos a facer xeres pa tolos cursos de la ESO y guíes de llectura de llibros empobinaos a esos mesmos cursos (too apaez en formatu pdf pa la so descarga). Esti cursu 2016-2017 tamos zarrando'l círculu, tamos trabayando xeres y guíes de llectura empobinaes a Bachilleratu.


Esti Grupu de Trabayu Intercentros tien como guíes d’actuación les que vienen darréu:
  •     Promover la convivencia y participación.
  •     Potenciar l’usu d’estratexes metodolóxiques actives.
  •     Reconocer la diversidá funcional del alumnáu.
  •     Fomentar la igualdá.  Aplicar métodos pal usu de les Tecnoloxíes de la Información y la Comunicación (TIC/TAC).




Suscribirse a: Entradas (Atom)